انسى\\\\\\\\\\\\\\\ على فكره ياجماعه انا الى كتباها ياريت تقروها وتقولولى رايكو لانه هيفرق معايا يا استمر ياما اروح اشوى دوره

انسى انى فى يوم
هنسى جرحك -- وأسامحك
انسى انى فى يوم
هاجى على قلبى وأصـالحك
انســـى
د انتا مهما كنت
مش أغلى من قلبى
قلبى اللى جرحته
مش أغلى من عمرى
عمرى اللى كسرته
انسى
بس انا مش هنسى
انك انتا اللى فتحت للحب
كل البيبان
وصحيت جوايا الشاعر
والانسان
وصدقتك -- وحبيتك
وأغلى ما عندى اديتك
وفتحت لك قلبى
وجوه قلبى خبيتك
ونسيت دنيتى
ودنيتى انتا خليتك
وأيامى بقت انتا
واحلامى بقت انتا
حتى أشعارى كلها انتا
وأحزانى بتنسانى
وترجعلى بس لو غبت
وفى عز ما كنت بحلم
والاحلام فى بحورها وخدانى
ورموشك سحابه صافيه
ماشيه معايا بترعانى
وحبك جنين لسه
بيتحرك فى رحم شريانى
لقيت ايدك يا أعز الناس
بخنجر غدر طعنانى
صرخت -- ومن صدمتى
كانت صرختى
من غير صوت
سخرت من صرختى
وابتسمت !
ابتسمت وأنا بنزف
نزيف الموت
وعشت أتعذب بجرحى
اتعذبت كتير
واتألمت كتير
لا شفت يوم الرحمة
فى عيونك
ولا مرة حسيت بعذاب الضمير
انســـــى !
بس انا مش هنسى
وأنا لسه من جرحك بعانى
ومن امته الضحيه
بتنسى قسوة الجانى

جميله مووووووووت لو انتى الى كتباها تبقى تنفعى اوى كلمتها قويه ومن القلب ومتخفيش مش هتشوى دره

طب قوليلى مين اللى جرحك وانا ادوسلك علية كلامك قطع قلبى بجد تنفعى بس ياريت تستمرى

ميرسى جدا ياجماعه رفعتوا معنوياتى الحمد لله يعنى مش هشوى دره