ماشي ف حاله وهو حزين .................
--------------------------------------------------------------------------------
ماشي في حاله وهو حزين
مش عارف يروح علي فين؟
يمشي شمال ولا يمين ؟
تايه وسط اهله وناسه
شايل هم كبير فوق راسه
عايز يوصل احساسه
بيدور علي شغل يلمه
ويا دعا ابوه وامه
عايز مرة يحقق حلمه
فكر فكرة .. قال انا بكرة .. نازل تاني الف وادور
عدت الايام منفعشي
قال انا لازم اسافر وامشي
احلم بقي ولا محلمشي
جاله واحد قاله هساعدك
سافر انت وهاجي بعدك
متخفش مش هنسي وعدك
فعلا سافر في بلد تانية
وساب بلده لناس تانية
وخيرها بقت لناس تانية
عاش هناك وكمان اتغرب
دا كان حلمه يروح ويجرب
واهو دلوقتي عايش يتدرب
رن موبايله ولقي صوت امه
كان ادالها عنوانه ورقمه
لما سابها ولا كان همه
بتقوله طمني عليك
قلبي يابني واكلني عليك
وبقالي مده برن عليك
طمنها من ورا قلبه
مرضاش يبين لها حبه
ودعت له يكون راضي ربه
مرت ايام وسنين
حس فيها بدموع العين
قرر ينزل بعد يومين
وجات لحظة اللقا
والعيون متفرقة
والقلوب مش مصدقة
قرر ينحت تاني في الصخر
يعمل خير ويرميه في البحر
اتعلم من الماضي خلاص
قرر يبقي فيه اخلاص
راح لربه ......... ملي قلبه
قال من النهاردة عملي هحبه
منتدى موقع الاستاذ مصطفى حسنى
الأربعاء أكتوبر 22, 2008 12:50 am