اعلان الحرب على كلمة مـزة

اعلان الحرب على كلمة مـزة

للأسف كلمة مزة بقت سلاح بيستخدم ضد المرأة في مصر خلاص الجنس الأنثوي كله بقى بيصنف على انه مزة والكلمة بقت على كل لسان وكل الأعمار
والمستويات والطبقات الاجتماعية بتستخدمها

مزة كلمة مقززة ليها معنى جنسي, وهدفها اختزال المرأة في جسمها والتحقير من شأنها وفرض مكانة دونية ليها فى المجتمع

مش ممكن نطالب بحقوق مرأة أو ان الست في مصر توصل لمناصب قيادية وهي مجرد مزة !

مين هينتخب مزة عشان تمثله ف البرلمان؟
مين هيروح لدكتورة مزة عشان تعالجه؟
مين هيحترم استاذة مزة بتدرسله؟

ازاي المجتمع هيعاملها ياحترام وياخدنا بجدية واحنا واقفين نتفرج عليه وهو بيخترعلنا اسم جديد وبيفرضه علينا بكل وسيلة وفي كل مكان ؟

لازم كل ست وكل بنت بتحترم آدميتها ترفض ان يتقال عليها مزة

لازم نقف في وجه المجتمع ونمنعه من اختزال المراة في مجرد اجساد

لازم كل واحدة تعلن انها انسان نوعها امرأة مش مزة

لازم كل واحدة تدافع عن كرامتها وتقول أنا مش مزة

دعوة لشطب هذه الكلمة البذيئة المحقرة من شأن المرأة من قاموسنا العامي المصري, وتصنيفها باعتبارها كلمة بذيئة

نحن نعترض على استخدام هذه الكلمة في الاعلام و الاغاني و الافلام

يجب ان تلقى المرأة المصرية الاحترام الذي تستحقه وألا تستسلم لعنف المجتمع وممارساته القمعية ومحاولة اذلالها وامتهانها وتشييئها

منتدى ابن مصر flower

انتوا من غير حاجة ليكوا احترامكوا فى المجتمع بس هتقولى اية ناس مش عارفة قيمة المراة فى المجتمع كل اللى يعرفوا انها مزة بس

متزعلوش

» حااااااااااااااااااااليا وعلى حراميه اون لاين كليب رامى صبرى كلمة وعلى اكثر من سيرفر