سؤال للشباب والبنات ارجوا من الكل يجاوب

السلام عليكم ورحمة الله وبركاته

ابي اسالكم سؤالين ...سؤال للبنات ..وسؤال للشباب



سؤال البنات:::: هل تفضلين الزوج صاحب المال والثراء ام الزوج صاحب الحب والحنان حتي ولو كان فقيرا ؟؟؟

سؤال الشباب ::: من تتمني الزواج منها --- صاحبة القلب الحنون والحب الجارف ام صاحبة الوجه الجميل الفاتن ؟؟؟

وياليت تكون الأجابة بصراحه


منتديات تعب قلبي

انا عن نفسى افضل الزوج صاحب الحب والحنان حتى لو فقير لان الحب الى بيدوم لكن الثروه ممكن فى لحظه تروح وكمان الزوج الى بحبو ممكن نقف مع بعض لحد ما نكون الثروه والاحسن من الثروه وهيا الاسره السعيده دا رئى

انا بايد رايك يا بانا ده رايي فعلا ان الحب بيدوم اكتر من المادة وبعدين ياما ناس اغنية جدا بس مش لقيين السعاده او الحب وناس فقرا اسعد من اى حد تتخيلوا

برضه بأيدك يااميرة انتى وبانانا ات اختار الراجل اللى بحبه ويحبنى واقدر استحمله فى اى وقت واكيد ربنا هيكرمنا اما ان افضل الراجل اللى معاه فلوس وغنى ممكن مايحبنيش وتبقى حياتنا واحشة ومافيش فيها سعادة وده بيحصل فعلا ممكن يكون الراجل سنه كبير عن البنت وشكله وحش ومع ان دى خلقة ربنا بس تاخده عشان فلوسه وعلى راى المثل ( ياواخد القرد على ماله بكره يروح المال ويفضل القرد على حاله )
dodo

انا معاك يامجدى افضل الاتنين مع انها مستحيل يتواجدو الحنان مع الجمال الا نادر جدا وطبعا الحنان اهم لان كل واحد محتاج للحنان لقسوة الزمن ده علينا والدنيا اللى بتهبد فينا.. والجمال مطلوب مش شرط تكون جميلة اوى بس مقبولة لان زى مانتا قولت هاشوفها هادور وشى بس مش للنحية التانية بس لغيرها هاخونها يعنى الحنان مطلوب لانه من عناصر الحب والجمال مطلوب لان الله جميل يحب الجمال..والاهم الاخلاق والادب....ده رأى

بصراحه انا افضل الوسط عشان نبقى واقعين يعنى احب اخد الى بحبو وفى نفس الوقت مستواه قريب من مستوايا او ممكن اقل شويه صغيرين بعتبار انو بيبتدى حياتو لكن مفيش خالص مش هيبقى الحب هتحصل مشاكل كتير بسبب كدا وحتى لما نجيب اطفال غصب عننا هيحصل مشاكل وهيكون فى متطلبات كتير غصب عننا لو عليا انا وهوا ناكل ونشرب حب فى حب لكن نبص لبعد كدا هل قصه الحب دى هتدوم مع الفقر دا متوقعش انا بقول رئى على اساس الواقع الى عيشين فيه والنماذج الى موجوده ادامى

انت عندك حق يا ضحى بس احنا بنتكلم على الناس اللى بتبص لفوق قوى بتبقى عايزة المادة اكتر من اى حاجة تانية وده بيتهيالى نادر لما يكونوا يعيشوا فترة طويلة مع بعض سريعا ما يتم الانفصال لكن بيتهيالى برضه ان لو فى حب وتفاهم اكيد هيقدروا يسخروا الدنيا ده كلها ليهم ويبتدوا السلم من الاول مع بعض مش عارفه هى ده وجهة نظرى لو اللى انا شايفاه ده غلط ممكن حد يبقى يصححولى....

انا افضل الاقي الحب و الحنان و المادة و الثروة احنا اللي بنعملها مش هي الي بتعملنا و اكيد ممكن تلاقي الي فيها حب و حنان و فيها جمال و لو كانت مش قمر يعني فجمال روحها هيكون مرسوم علي و جهها

من الاخر انا عايز وحدة حنينة وحلوة وطويلة ورفيعة ومحجبة وبيضة مش مهم لون العيون بس لو لاقيتوها كلمونى اناا مستنى

انا عن نفسى اكيد زى اى بنت بتفهم اتمنى انى اتجوز واحد حنين وبيحبنى
واخر حاجه افكر فيها انه يكون غنى كفايه نكون مستورين
بس اكيد الشكل مطلوب بس مش ضرورى او ساسى